Otsailaren 18an konfidantzazko medikuak Alfredo Milanoko San Paolo ospitalean bisitatu ahal izan du eta ondoren Onda Rossa irrati librean adierazpenak egin ditu.
Hona hemen medikuak esandakoaren laburpena:
-Jada bagenekiena: indarrak bildu aldera eta 24eko epaiketara heltzeko osagarri bitaminikoak eta yogurta hartzen saiatu arren Alfredoren gorputzak ez ditu hoiek onartu. Ondorioz Alfredok gatza, potasioa, eztia eta azukre pixkat besterik ez du hartzen.
-Otsailaren 24ko entzuketan aurkako epaia jaso ezkero Alfredok osagarri gisa hartzen ari den gaiak hartzeari utziko dio.
-Larruazalean erupzioak eta zauri arinak izaten ari da.
-Odol analisiek elektrolitoen mailak egonkortu zaizkiola erakutsi dute. Eta fosforo mailak ere balore onargarrietan ditu.
-Alfredok burua argi du eta bere erabakiarekin irmo jarraitzen du.
Iturria: ondarossa.info
Derrigortutako elikaduraren inguruko bi ohar:
Italiar agintariak Alfredo indarrez elikatzeko neurriaz jarduteaz gain, neurri honi babes ideologikoa emateko, Bioetika Batzorde Nazionalari horren inguruko galdeketa luzatu dio.
Italiar legedian bada TSO edo Derrigorrezko Osasun Tratamenduak arautzen dituen lege bat: 219/2017 legea. Horren arabera TSO bat ezarri aurretik piskiatra batek pazienteari azterketa eta ebaluaketa bat burutu behar dio, eta ondoren mediku batek eta pertsona bizi den hiriko alkateak epaile bati tratamendua ezartzeko eskaera luzatu behar diote. Eta tratamendua 7 egunetik egunera ikuskatu eta berritu beharra dago.
Baina lege berak, aurretiaz, edozeinek derrigortutako tratamendurik ez duela jaso nahi adierazteko eskubidea duela eta hori urraezina dela ere ezartzen du; hori DAT (Direttiva Anticipatta di Trattamento) izeneko adierazpen baten bidez egin ahal da.
Eta jakina denez Alfredok 2022ko azaroaren 12an holako adierazpen bat egin zuen eta haren abokatuak erakunde guztiei jakinarazi zien.
borrokan 