ITALIA –ERROMA eta UMBRIA
Martxoaren 22an poliziak 5 etxebizitza miatu eta 4 lagunei ustez elkarte subertsibo terrorista baten parte izanagatik ikertuak izaten ari direla jakinarazi zieten.
GREZIA –ATENAS
Martxoaren 27an Atenaseko poliziaren terrorismoaren aurkako taldeak Atenasen eta inguruko eskualdeetan hainbat miaketa burutu zituen eta 8 lagun komisaldegira eraman zituen, 6 atxilotuta gelditu zirelarik. Aldi berean preso dauden beste 4 lagunen ziegak ere miatu zituzten. Guztioi 2023ko udatik Atenas inguruan “Mendekuaren konspirazioa”ren izenean lehergailuekin burututako dozena erdi eraso leporatzen dizkiete.
ITALIA
2024eko apirilaren 22. Torino (Italia). Torinoko DIGOS (polizia politikoa) eta fiskaliak 19 laguni kontrol neurriak ezarri dizkie (3 lagun etxeko atxiloketan, 7 lagun ordutegi murrizketarekin eta egunero sinatzera joatera behartuta eta beste 8 lagun eguneroko sinatzera behartuta). “City” izeneko operazioaren barnean, 2023ko martxoaren 4ean Torinon Alfredo Cospito preso anarkistari elkartasuna adierazteko egin zen manifestazioan gertatutako istiluekin lotuta Italia osoko 75 lagun ikerketapean daude. Hoiei istiluak eragitea eta poliziei eraso egitea leporatzen diete.
Azken hilabetetan elkartasun mugimendu anarkista geldiarazteko 2023an zehar burututako ekimenen harira Italia osoko fiskalek eta poliziek burutzen ari diren operazioen arteko beste baten aurrean gaude. Hauekin ehundaka anarkistari kontrol neurri eta mugimendu murrizketa zorrotzak ezartzen ari zaizkie: etxeko atxiloketa, ordutegi murrizketa, bizi diren hiria edo eskualdetik ateratzeko debekua, astero edota egunero komisaldegira sinatzera joateko derrigorra, baldintzapeko askatasuna, pasaportea kentzea…Defentsa juridikoa bermatzeko beharrezko gastu ekonomikoaz eta neurri hauek eragindako kalte pertsonaletaz ahaztu gabe (eguneroko bizitza eta harremanak normaltasunez ezin egitea, stresa, lana galtzea, etabar.
Orain inoiz baino gehiago nazioarteko elkartasuna eta elkarlana indartu! Borrokatzen dutenekin!
Más información/ Informazio gehiago: https://lanemesi.noblogs.org
borrokan 
Utzi iruzkina