Alfredo Cospitok anarkistak 41 bis atxiloketa erregimen ankerraren eta Italian gertatzen ari den errepresioaren gorakada kualitatiboaren zein kuantitatiboaren aurka burutu duen gose greba luzearen harira zenbait presok planteatutako ekimena berreskuratu dugu, Alfredok abiarazitako borrokari jarraipena eta bisibilitatea emateko asmoz eta italiar burgesiari eta agintariei presioa egiteko tresna gisa. Orain ekimena zabaltzeari eta antolatzeari ekin diogu: italiar produktuei, markei, enpresei eta mota guztietako interesei zein Italiarako turismoari nazioartean boikot eta presio kanpaina batalegia.
Nazioarte mailan, baina bereziki Europar Batasunean eta AEBtan, maila guztietako krisialdi ekologiko-sozial-ekonomikoak eragindako tentsioak zapaltzeko helburuarekin legedi faxistak, ultraeskuineko alderdien eta mugimenduen jarduerak eta errepresio tresnen zein indarren armatze eta indartze nabarmen bat gertatzen ari da. Egoera itogarri honi (eta aurreikusi daitezkeen enfrentamendu bortitzei) berandu baino lehen aurre egin behar zaio…autodefentsarako, elkarzaintzarako eta borrokarako elkartasun eta elkarlan sareak zein ekimenak prestatzen hasteko garaia da.
Atxilotze baldintza eta erregimen berezien aurka eta hoiek ahalbideratzen dituzten legedi eta araudi zaharren eta berrien aurka!!! Gobernu neofaxistaren legedi errepresibo berrien aurka!!! Errepresioak kolpatutakoekin zein borrokatzen dutenekin elkartasuna!!!
Urtarrilaren 9an Marseillen (Frantzia) hiriko agintariak ekitaldi bat ospatzen ari ziren udaleko eraikin baten aurrean Alfredo Cospitori elkartasuna adierazteko elkarretaratze bat burutu dute.
Urtarrilaren 9an Genova-n Cobas sindikatu asanblearioa kideek Alfredo Cospito-ren aldeko elkarretaratzea burutu zuten.
Urtarrilaren 9an ere Erroman Frantziak duen enbaxadaren aurrean Alfredoren alde gose greban dagoen Ivan Alocco preso anarkistari sostengua adierazteko elkarretaratzea burutu dute.
Urtarrilaren 9an ere Luganon (Suitza) elkarretaratzea burutu dute italiar kontsulatuaren aurrean.
Urtarrilaren 12an 41 bis saila bat duen segurtasun handiko L’Aquilako (AS) espetxearen aurrean elkarretaratze bat egin dute.
Urtarrilaren 13an Trentoko epaitegien aurrean Alfredori eta errepresioa jasaten ari diren beste anarkistei elkartasuna adierazteko elkarretaratzea antolatu dute.
Urtarrilaren 13an Genova-n elkarretaratze solidarioa.
Urtarrilaren 13an Palermoko epaitegien aurrean Alfredori eta errepresioa jasaten ari diren beste anarkistei elkartasuna adierazteko elkarretaratzea.
Urtarrilaren 13an Rovereton Alfredoren abokatuarekin hitzaldi eta eztabaida bat burutuko da.
Urtarrilaren 13 eta 14ean Marseillen (Frantzia) “Espetxeen aurka 48 orduz” ekimena burutuko dute hainabt ekitaldirekin: liburu eta aldizkarien aurkezpena, presoen borroken inguruko hitzaldiak, musika, etabar.
“Umanita Nova” Italiar Federakunde Anarkistaren (FAI) astekari historikoak haren hurrengo zenbakiaren azala 41 bisaren aurkako borrokari eskeini dio.
Urtarrilaren 14ean Torinon 41 bisaren aurka eta Alfredoren aldeko manifestazioa antolatu dute.
Urtarrilaren 14ean, Viterbon “errepresioaren eta hiritartasuna” eztabaida burutuko dute Alfredoren abokatuetako batekin eta Soccorso Rosso-ko kide batekin. Ondoren dirua biltzeko afari bat ospatuko da.
Urtarrilaren 14ean Toulousen (Frantzia) isolamendu erregimenen aurka eta egun borrokan dauden presoen aldeko elkarretaratzea antolatu dute.
Urtarrilaren 15erako Milanon Alfredoren aldeko manifestazio indartsu bat antolatzen ari dira.
Urtarrilaren 16ean Varessen elkarretaratze bat burutu zuten antzoki nagusiaren atarian.
Urtarrilaren 17rako Teramon manifestazio bat antolatu dute.
Urtarrilaren 17an Sassariko unibertsitatean “41 bisa eta “etsaiaren zuzenbidea. Garrantzi juridikoa, filosofikoa eta etikoa” eztabaida burutuko Dute Alfredoren abokatuarekin eta beste jurista ezagun batekin.
Urtarrilaren 17an Erroman mobilizazioak prestatzeko asanblada irekia.
Urtarrilaren 17an Trenton, unibertsitateko soziologia fakultatean mobilizazioak prestatzeko asanblada irekia.
Urtarrilaren 18an “Negras Tormentas” irrati podcastak bere 2 sasoiari hasiera emango dio Alfredoren borrokari buruzko saio berezi batekin.
Urtarrilaren 19an Madrilen, Bolognan eta Napolin mobilizazio berriak.
Urtarrilaren 20ean elkarretaratze berri bat burutuko dute Genovan.
Urtarrilaren 21ean Alfredoren bi abokatuekin eta errepresioaren behatokiko ordezkari batekin hitzaldia.
Urtarrilaren 21ean Carraran Alfredoren aldeko eta 41 bisaren aurkako elkarretaratzea deitu dute.
Urtarrilaren 22ean aldiz Carraran anarkisten aurkako errepresioaren garapen historikoari buruzko eztabaida eta 41 bisaren aurkako borrokaren inguruko informazioa zabalduko dute.
Urtarrilaren 22an Ostian errepresioaren aurkako ekintzaile batekin hitzaldia. Musika emanaldiak eta bazkari herrikoi bat ere ospatuko da.
Urtarrilaren 21ean Erroman Torre Maura espazio okupatuan jaialdi solidarioa eta mobilizazioak prestatzeko asanblada irekia.
Txile. 2023ko udazkenetik Txile hegoaldeko espetxeetan preso dauden CAM erakundeko ekintzaile maputxeak hoiek espetxeratzeko burututako epaiketa eta muntaia ustelak zein espetxean bizi dituzten baldintza negargarriak salatzeko hainbat baraualdi eta protesta burutzen ari dira. Hamarkadetako errepresio basatiaren gainetik herri maputxeak haien lurraldetaz jabetu eta explotatzen dabiltzan lurjabe eta enpresa handien(hoien artean Benetton) zein gobernu neokoloniakisten gehiegikerien aurka matxinatzen eta borrokatzen jarraitzen du.
Dozena bat preso politikok BIo Bioko espetxean 80 egun inguru daramatzate gose greba burutzen, hoien artean arrisku larrian dagoen Esteban Henriquez (polizien salaketa hutsean oinarrituta, frogarik ez lekukorik gabe, 15 urteko zigorra jaso duen laguna).
Elkartasuna preso politiko maputxeekin eta borrokalari maputxe guztiekin! Gora herrien erresistentzia!!
Iturria: @radiokurruf eta @esteban_henriquez_libre
Urtarrilaren 26ean Erromako Kasazio epaitegian Juan Antonio Sorroche anarkistaren aurkako epaiaren berrikusketa burutuko da eta epaiegi honen erabakia behinbetikoa izango da.
2022ko uztailean Juan Antonio Sorrocha anarkistak 28 urtetako zigorra jaso zuen, baina bigarren mailako epaiketan leporatutako erasoan inoren bizitza arriskuan jarri ez zuenez zigorra 14 urte eta 10 hilabetera murriztu zioten. Gogoratu beharra dago aurretik fiskalia Juani leporatutako erasoa “sarraski” gisa sailkatzen saiatu zela horrela haren aurkako zigorra biziarteko espetxeratzea izateko (Alfredo Cospito eta Anna Beniamino anarkistekin egiten saiatu diren berdina). Fiskaliak epaileen azken erabaki horren aurkako helegitea jarri zuen, epaitutako erasoak pertsonen bizitzak arriskuan jarri zituela argudiatuz zigorra handitzea eskatzen du. Italiar sistema judizialean, helegiteak tarteko, gertaera batengatik 3 epaiketa burutu daitezke, erabakiorra azkenengoa izanik…ta hauxe da Juanen kasua.
Juani 2016ean Lega Nord alderdi faxistaren egoitza batetan lehergailu bat jartzea leporatu zioten. 2017-2019 bitartean ihesean ibili ostean atxilotu zutenetik Juan preso egon da eta egun Terniko espetxean dago.
Urtarrilaren 9an Massako epaitegian aurtengo abuztuan “Scripta Scelera” polizi operazioaren harira abiatutako lehen epaiketa hasiko da. Aldizkari eta argitalpen anarkisten zein solidarioen aurkako azken muntaia honekin ez dute propaganda, elkartasuna eta borroka anarkista geldiaraziko!!! Borrokan direnekin eta jazarpenak kolpatutako iraultzaile eta matxino guztiekin baldintzarik gabeko elkartasuna eta konplizitatea praktikatu eta zabaldu!!!
2024eko urtarrilaren 13rako Milanoko mugimendu antifaxistak eta antierrepresiboak 2023ko otsailean Budapesten naziekin izandako borroken harira Europa osoan burutzen ari den errepresioa salatzeko Italia mailako manifestazio bat deitu dute; ordutik Hungarian preso dauden Ilaria anarkista italiarraren eta Tobias alemaniar kidearen askapena aldarrikatzeko zein Italiatik Hungariara extraditatu nahi duten Gabri kideari – zein sasian dauden beste 13 lagunei- elkartasuna adierazteko.
Faxisten marka berriak diren alderdiek agintea eskuratzen ari dira -Italian, Argentinan, Ukrainian, Grezian, Herbeeretan, Alemaniako eta Espainiako eskualde eta udaletxe askotan.. Europan bereziki eskuin muturreko alderdiek zein taldeek, hedabideen laguntzarekin eta sasi-ezkertiarren epelkeriaren gerizpean, bizi ari diren gorakadarekin gero eta beharrezkoagoa da praktika eta ekimen antifaxista guztiei nazioarte mailan zein geure herri eta hirietan babesa ematea. Orain urte batzuk Estatu Batuetako eskuinak eta Trumpe-en gobernuak antifaxisten aurkako kriminalizazio eta errepresio kanpaina indartsua abiatu bazuten orain Alemaniako Saxoniako eskuindar agintariek mugimendu antifaxistaren kontra abiatutako errepresioa Hungariako polizi-epaileek bere egin dute eta hemengo Europako beste herrialdetara zabaldu nahi izan dute….ustezko nazioarteko erakunde kriminal antifaxista baten aitzakiarekin.
Faxismoari eta eskuin muturrari aurre egiteko antolaketari ekin!!!
ASKE erakunde antierrepresiboak abenduaren 30ean Zaballako espetxera egindako martxan Ertzaintzak 127 lagun identifikatu zituen eta hoietako zenbaiti meatxuak ere egin zizkieten. Aitzakia: bengalak eta suziriak jaurti izana. Ustezko “ziklo eta garai berrien” zein diskurtso hutsen gainetik Jaurlaritzak eta haren borreroek presoekiko elkartasuna eta ildo politiko jakin batzuk kriminalizatzen jarraitzen dutenaren azkenengo adierazpena.
Elkartasuna jazarritako solidarioekin zein euskal preso politiko eta sozialekin!!!
Kataluniako Generalitateko Justizia Sailak IA edo inteligentzia artifiziala eta errekonozimendu biometrikoa uztartzen dituen programa bat garatzeko esperimentu bat abiatu du Tarragonako Más d’Enric espetxean. Helburua “segurtasun neurriak indartzeko arrisku egoerak aurreikusi eta sahiestea” eta ihesaldiak sahiestea” du.
200.000 €tako aurrekontua duen ekimena Bain Capital armagintza eta segurtasun arloko estatubatuar enpresaren jabetzakoa den Inetum Cataluña SA enpresak burutuko du. Enpresa honek Israeleko estatuarekin lotura hestua du.
Kataluniako agintarien asmoa programa garatu eta frogatu ostean beste espetxeetara zabaltzea da.
Tristuraz betetako agur bat Alfredo Bonannorentzat (1937ko martxoaren 4.a – 2023ko abenduaren 6.a). Atrakatzailea, filosofoa, iraultzailea, editorea. Garai guztietako anarkismoaren teoriko handienetariko bat.
Edizioni Anarchismo-ren oharra (Alfredo Bonannok sortutako eta bultzatutako argitaletxea)
Un saludo lleno de tristeza para Alfredo Bonanno (4 de marzo de 1937 – 6 de diciembre de 2023). Atracador, filosofo, revolucionario, editor. Uno de entre los más grandes teóricos del anarquismo de todos los tiempos.
Nota de Edizioni Anarchismo (editorial fundada e impulsada por Alfredo Bonanno)
Kide maiteak, azaroaren 19an Soccorso Rosso Internazionale-ko sail ezberdinetako ordezkariek Zurichen (Suitza) nazioarteko lan konferentzia amaitu dugu.
Konferentzia hau kolonialismo sionistak eta turkiar faxismoak, NATOren, Europar Batasunaren eta Estatu Batuen baldintzarik gabeko babesarekin, Palestinan eta Kurdistanen haien krimenak burutzen ari ziren bitartean burutu da. Aukera hau kurduar eta palestinar herrien erresistentziari gure miresmena eta herri hauetako presoei gure agurrik beroena adierazteko baliatzen dugu. Palestinar herriaren martirioa eta erresistentzia Gazan Georges Abdallah kidearen eta mugimendu iraultzailearen erantzunkizuna hura krimen sionisten konplizea den frantziar inperialismoaren atzaparretatik askatzeko ahalegina aktualitatera dakar.
Urriaren 31an Evros ibaiaren ertzetan (Grezia eta Turkia arteko mugan) borrokan eroritako DHKP-Cko militanteak agurtzen ditugu, bereziki Frantzian erbesteratuta zegoen bitartean askok ezagutzeko aukera izan genuen Erdogan Çakir. Rojavako iraultza zapaltzeko guda berezi honetan turkiar dron batek erahildako MLKPko buruetako bat zen Osman Nuri Ocakliren memoria ere agurtzen dugu.
Mendebaldeko inperialismoen konplizitatea sionismoaren eta faxismoaren krimenekin ez da bakarrik propaganda lotsagabearen eta arma horniketa masiboaren bitartez gauzatzen, borrokatzen ari diren erakundeen eta militanteen jazarpenarekin ere burutzen baita. Zaid Abdulnasser Samidouneko ekintzaile palestinarra Alemaniatik kanporatzean edo errepresio hau salatzeko Hanburgon gose greban ari den Eda Deniz Haydaroiluren aurkako prozedura judizialeki esate baterako.
Palestinarren aldeko masa mobilizazioak, manifestazioen bidez, arma bidalketen blokeoekin edo sabotaiekin, greba ausartekin, inperialismoaren aurkako eta nazioarteko gizarte iraultzaren aldeko borrokaren jarraipenaren adierazpen diren Europako preso iraultzaileen erresistentzian eta presentzian erreferente historiko bat daukate. Hala nola 40 urtetik gora preso daramaten Brigate Rosseko hogeinaka militanteak, hoietako batzuk 41bis isolamendu erregimenean, hilabetetan 41bisaren aurkako borroka luzearen protagonista izan den Alfredo Cospito militante anarkista, eta Italian Grezian eta Espainian preso dauden anarkistak zein azken honetan urte luzez preso dauden ETA, GRAPO eta PCE(r)ko komunistak eta iraultzaileak, hoien arten Arenas Kidea eta beste hainbeste.
Guztiei, haiei guztiei, gure elkartasun iraultzailea eta askapen hurren bat opa diegu.
Azaroaren 20 eta 21 arteko gauean Milanon Carabinieriek Gabriele Marchesi antifaxista atxilotu zuten urrian Budapesteko epaitegiak luzatutako Europa Mailako Atxiloketa Agindu bat jarraituz (epaitegiak 14 agindu kaleratu zituen Italiako eta Alemaniako antifaxisten aurka).
Gabrieleri zein beste auziperatuei otsailaren 11an Hungariako neonaziek urtero egiten duten ospakizun baten harira neonaziei erasotu izana eta “gaizkile erakunde” bat osatzea leporatzen diete. Auzi honengatik , 2023ko otsailetik, Tobias alemaniar antifaxista eta Ilaria Milanoko anarkista Hungarian espetxeratuta daude eta 12 urte arteko zigorrak jaso ditzazkete. Hungariako ikertzaileek Alemaniako Saxoniako poliziak asmatu zuen ustezko erakunde antifaxistaren teoria bere egin dute.
Azaroaren 22an epaileak Gabrieleri etxeko atxiloketa ezarri dio abenduaren 5ean haren extradizioaz erabakitzeko entzuketa ospatu arte. Bitartean Italian zein Alemanian errepresio saiakera hau jasaten ari diren kideei elkartasuna adierazteko eta haientzako dirua biltzeko hainbat ekimen antolatu dira.
Antifaxismoaren aurkako nazioarteko eraso honen aurka mobilizatu gaitezen!
Hungariako gertaerei buruzko adierazpena:
2023ko otsailaren 11an Budapesten lau lagun atxilotu zituzten nazi batzuei jipoi bate matea leporatuta. Hoietako bi, alemaniar kide bat eta hungariar neska gazte bat, handik gutxira askatu zituzten, beste bi lagunak aldiz, alemaniar lagun bat eta italiar emakumezko bat, oraindik espetxean jarraitzen dute.
Atxiloketa hauek “Ohorearen Eguna” delako ospakizunaren testuinguruan gertatu ziren, 1944ean Armada Gorriak nazien gudaroste bat akabatu zuela oroitzen duen data hau hungariar nazientzat ospakizun berezi bat da eta Europako beste herrialdetako eskuin muturreko militanteak ere erakartzen ditu.
Preso dagoen kidea hasiera batetan komunitateko kide bati eraso egin izana leporatu zioten, 2 eta 8 urte bitarteko zigorra dakarren delitua. Geroago ikerketak burutzen ari ziren bitartean agintariek “bizitzarako arriskua” eragin izana eta bi erasoak talde kriminal bateko partaide gisa burutu izana ere leporatu diote (preso jarraitzen duen alemaniar lagunari bezela).
Delitu bat baino gehiago pilatu zaizkienez, egungo araudiari jarraiki, zigorra biderkatzea suposatzen du, hau da 2 eta 12 urte bitarteko zigorra. Gainera delitua talde kriminal baten barnean burutu omen denez zigorra handitu egiten da. Behinbetiko kondena baten kasua zigorra 2 eta 24 urte bitartekoa izan daiteke.
Kideei parte izatea leporatzen zaien erakunde kriminal hori, Alemaniako agintariek 2023ko maiatzean epaitzen amaitu duten “Antifaost” auzian existitzen dela erakutsi nahi izan duten talde bera izango litzateke. Berez ikertzaileek, alemaniar agintarien laguntzarekin, instrukzioko epaileari kasu horretako txosten guztiak aurkeztu dizkiote.
Budapesten preso dagoen italiar kidearen atxilotze eta epaiketa gastuei aurre egin ahal izateko nazioarteko elkartasun deialdi bat egiten dugu.
Bestetik ekintza hauen testigantza eman nahi dugu, egin dituenak gorabehera, hitzetatik haratago doan antifaxismo baten erakusle direlako.
Grezia. Aurreko ostiralean, azaroaren 17an, Pola Roupa, Borroka Iraultzailea taldeko preso anarkista, aske geratu zen baldintzapeko askatasuna eskuratu ostean.
⚫ Pola Roupa, de Lucha Revolucionaria (organización revolucionaria anarquista de guerrilla urbana en Grecia), fue liberada el viernes 17 de noviembre de 2023 a la edad de 54 años… La compañera miembro de Lucha Revolucionaria en el 2016 secuestró un helicóptero para ⬇️ pic.twitter.com/ehsH62xTGe
borrokan 